როგორ დავათარგეთოთ იუზერები ads მენეჯერში ?

უამრავი კითხვა ისმის სარეკლამო აუდიტორიების განსაზღვრის  და იმის შესახებ 100 000 უნდა იყოს აუდიტორიის ზომა თუ ერთი მილიონი. ნებისმიერ შემთხვევაში აუდიტორიის შერჩევა უნდა მოხდეს კონკრეტული ლოგიკის ან მარკეტინგული სტრატეგიის საფუძველზე. მსგავსი სტატიის წასაკითხად მიჰყევი ბმულს.

რა სიდიდის უნდა იყოს სარეკლამო აუდიტორია Facebook-ზე ?

მაგალითად, თუ მე ვყიდი პროდუქტს,რომელიც წარმოდგენილია საქართველოს უმრავლეს დიდ ქალაქში, მე პირადად ერთ-ერთ ხერხს რომელსაც აუცილებლად გამოვიყენებდი არის გეოგრაფიული თარგეთინგი ამ კონკრეტული ქალაქებისა,რომელსაც მხოლოდ ასაკით და ინტერესებით  გავფილტრავდი.

ზოგადად კი აუდიტორიის განსაზღვრისთვის აუცილებელია წინასწარ წარმოდგენილი გქონდეთ ის იუზერი, ვინც გსურთ რომ მიიზიდოთ თქვენი რეკლამით, ამისათვის კი აუცილებლად „მყიდველის პერსონას“ (buyer persona) განსაზღვრა დაგჭირდებათ.

თეორიულად, მარკეტინგში „მყიდველის პერსონას“ (buyer persona) განვსაზღვრავთ შემდეგნაირად:

  • ასაკი
  • სქესი
  • განათლება
  • სამსახური
  • სამსახურეობრივი მოვალეობები
  • სად იღებს იუზერი ინფორმაციას?
  • დამოუკიდებელია თუ არა იუზერი ყიდვის პროცესში?

თუმცა, რომ დაგუგლოთ უამრავ სხვადასხვა ტიპის ინფორმციას წააწყდებით, მათ შორის ავტომატურ სისტემებზე, რომლებიც ველების შევსების შემდეგ დაგიგენერირებთ „მყიდველის პერსონას“.

პირადად მე,ყველაზე ხშირად ვიყენებ ზემოთ ჩამოთვლილ  პუნქტებს, თუმცა სია ბევრად გრძელი შეიძლება იყოს.

ამ პროცესში ერთ-ერთი ღირებული ხელსაწყო არის Facebook audience insights, რომელიც, როგორც ზოგადად ქვეყნის მაშტაბით არსებულ იუზერებზე, ასევე თქვენი გვერდის დამლაიქებლებზე გაწვდით უამრავი სახის სხვადასხვა მასალას. მათ შორის, სად არიან იუზერები ტერიტორიულად განაწილებულები, სქესი, ასაკი, ინტერესები, ოჯახური მდგომარეობა,განათლება და ა.შ.  ამ ყველაფრის გათვალისწინებით კი თქვენ გექმნებათ წარმოდგენა თუ რა ტიპის აუდიტორიასთან გაქვთ საქმე.

Facebook- ზე სარეკლამო აუდიტორიის განსაზღვრის სულ რამდენიმე ხერხი არსებობს:

  • ლოკაცია
  • ასაკი
  • სქესი
  • დეტალური თარგეთინგი

დეტალურ თარგეთინგში საშუალება გვაქვს აუდიტორია გავფილტროთ:

  • დემოგრაფიკით(demographics)
  • ინტერესებით(interests)
  • ქცევით(behavior)

ამ სამი პუნქტიდან თითოეული დამატებით ქვე-კატეგორიებად იშლება,რაც საშუალებას გვაძლევს შევქმნათ ჩვენთვის სასურველი ნიშე აუდიტორია.

დემოგრაფიკებით და ქცევით ჩამოყალიბებული აუდიტორია ბევრად უფრო რელევანტური შეიძლება აღმოჩნდეს კონკრეტულ პროდუქტებთან მიმართებაში, ვინდრე უბრალოდ ინტერესებით გაფილტრული აუდიტორია. თუმცა, სამწუხაროდ პროდუქტიდან გამომდინარე ძირითადად ინტერესებით თარგეთინგი გვიწევს მეც და სავარაუდოდ თქვენც.

ქცევის მიხევით,მაგალითად, იუზერები, ვინც შედის Facebook-ზე მხოლოდ მობილურებით,შეიძლება საინტერესო თარგეთი აღმოჩნდეს მობილურების ქეისების გამყიდველი ბიზნესისთვის.

ასევე საინტერესო თარგეთი შეიძლება აღმოჩნდეს იმ მომხმარებელთა ერთობა, ვინც ფბ-ზე Iphone X-ის სერიის მობილურებით შემოდის,მაგალითად იმ სერვისების ოპერატორებისთვის, ვინც ეფლის პროდუქტის შეკეთებას არეკლამებს .

სასაჩუქრე ნაკრებების ან მსგავსი სერვისისა თუ პროდუქტის გაყიდვის მიზნით,საკმაოდ იმედისმომცემად გამოიყურება აუდიტორია,რომელიც აერთიანებს იმ იუზერების მეგობრებს, ვისაც უახლოეს პერიოდში დაბადების დღე აქვთ,თუმცა ზუსტად ეს ფილტრი სასაჩუქრე ნაკრებებზე საქართველოში არ გამომიცდია პრაქტიკაში, თეორიაში კი გატესტვა ნამდვილად ღირს.

რეალურად, ნებისმიერი ამ ტიპის აუდიტორია მაინც ჩვეულებრივი გათვლაა, რომელიც საბოლოო ჯამში უნდა შეაფასოთ რეკლამის მიზნობრიობიდან გამომდინარე დამდგარი შედეგებით.ქცევის მიხედვით თარგეთირების უკეთესი ტაქტიკა კი ეგრედწოდებული რემარკეტინგი ან რეთარგეთინგია, რომელიც საშუალებას გვაძლევს ვებ-გვერდი გამოვიყენოთ როგორც მიმართულების მომცემი,თუ რომელი პროდუქტი ან კატეგორია აინტერესებს იუზერს. მაგალითად, თუ  ვებგვერდზე გსტუმრობთ ჯამში 17 000 მომხმარებელი და 10 000 მომხმარებელი სტუმრობდა თქვენ ვებ-გვერდზე “ბაკურიანის ტურის” პროდუქტის გვერდს,მინიმუმ იმის მარტივი გათვლა მაინც შეგიძლიათ რომ სწორედ “ბაკურიანის ტურების” რეკლამის გაშვების დროა,რადგან ამ აუდიტორიაში ტურის შეძენის მყიდველი ლოგიკურად უნდა იყოს. აღარაფერს ვამბობ იმ აუდიტორიებზე,რომლებიც ასახავენ იუზერებს, ვინც პროდუქტი კალათაში დაამატა და გაწყვიტა ყიდვის პროცესი, ის იუზერები, ვინც ბარათის მონაცემების შეყვანა დაიწყო,თუმცა არ დაასრულა და კიდევ სხვა. რეალურად ამ ტიპის აუდიტორიებზე გაშვებული რეკლამებით შეგიძლიათ გაყიდვებზე ორიენტირებული კამპანიები ააწყოთ,სადაც რემარკეტინგს აუცილებლად დიდი როლი ექნება,რადგან მომხმარებლის ამ ტიპის ქცევის მიხედვით თარგეთირება ნამდივილად რელევანტურ აუდიტორიაზე გაგიყვანთ.

ზოგადად კი უამრავი ფილტრი გამომიცდია, ზოგი მოსმენილი, ზოგიც წაკითხული, ზოგიც ჯოინთის შედეგი იყო და ჯამში, რაღაც პერიოდის მერე მაინც გიწევს კამპანიის და აუდიტორიების გადაწყობა, იმიტომ რომ გრძელვადიან პერსპექტივაში ფბ ნელ-ნელა გიძვირებს cost per results რა მიზნობრიობაზეც არ უნდა გქონდეს კამპანია ოპტიმიზირებული, ამიტომ ეს პროცესი ჩემი გამოცდილებით მუდმივი ძიების და ახალ-ახალი აუდიტორიების და ფილტრების ტესტინგია.

 

მსგავსი სტატიები